Latest News

Assam Rifles ten HSSLC a zirlai tithate an lawmpui

Serchhip-a awm 8th Assam Rifles te chuan HSSLC Exam result tihchhuah taka Serchhip atanga Top 10-a lang zirlai pahnih te hnenah Inrinni khan chawimawina an hlan.

Assam Rilfes Complex-a zirlai tithate chawimawina hunah hian an Commandant, Col. J. Mutum, SM chuan HSSLC result chhuaka Commerce-a Mizoram puma pakhatna C. Lalrintluangi leh Science-a 5-na F. Remsangpuia te hlawhtlinna chu lawmpui thu sawiin, Serchhip khua leh District an tih hmingthat avanga an chhuan thu a sawi a, an kal leh zelna turah duhsakna hlanin, hlawhtlinna chang zui zel turin ngawrh taka lehkha zir chhunzawm zel turin a chah bawk.

Assam Rifles Commandant chuan zirlaite chu tanpui an ngaihna ah engtiklai pawna an in hawng reng thu sawiin, an zirna-ah puih an mamawh anih chuan inthlahrunna nei lova hriattir ve thin turin a ngen a. Zirlai titha te chu Prime Minister Scheme hrang hrang atanga Scholarship a awm thin thu sawiin, chuting hmu thei tur chuan puih an inhuam thu a sawi a. Hemi chung-chang hi sawihoin Zirlai titha pahnih te hi a thlawnin Scholarship hi an buaipui sak dawn a ni.

He hunah hian zirlaite tawiawmtu an nu leh pa te chuan an fate hlawhtlinna 8th Assam Rifles ten an hriatpui a, lawmpuina thilpek an pe chu an la tawn ngailoh anih thu sawiin, an lawm hle tih an sawi a, mipuite nen thawhhona tha tak an nei nia an hriat thu an sawi bawk.

Comments

Chhiar Hlawhte