Latest News

Hri kai mi 14 enkawl dam

Serchhip District-a COVID-19 hri kai hmuh enkawllai mi 14 te chu nimin khan enkawl dam leh niin Serchhip District-a hri kai 522 enkawl dam an ni tawh.

Nimin-a Serchhip District-a hri kai enkawl dam tak te hi Nursing School CCC atangin mi 5 leh Intergrated AYUSH Hospital, Thenzawl atangin mi 8 bakah ZMC-a enkawl mi pakhat te an ni. Nimin a Serchhip District-a Rapid Antigen Test hmanga Sample enfiah zingah hriat theih chinah Keitum-ah hri kai mi pahnih hmuh an ni.

Heti hian nimin thlengin Serchhip District-a hri kai hmuhchhuah chu mi 635 niin an zinga 522 te chu enkawl dam an ni tawh a, hri kai hmuhchhuah atanga za zela 82.20 te enkawl dam an ni tawh a, tunah hian hri kai enkawllai 111 la awmin nunna chan mi 2 an awm tawh a ni.

Comments

Chhiar Hlawhte