Latest News

Nasa lehzual-a chhawmdawlna hna thawk turin ngen

Aizawl South-I bialtu MLA,C. Lalsawivunga chuan chhuanchham a awm mai thei te tun aia nasa lehzual a chhawmdawl hna thawk turin sawrkar chu a ngen.

Aizawl South-I bialtu MLA hian a bialchhung a AAY leh PHH te June thla Ration buhfai leh chini khul sakin COVID-19 hripuiin min tibuai rei ta viau mai chu a vei awm takzet tih a sawi a. A bial mipui mai bakah Zoram mipuite chhuanchham mai thei dinhmun a din mai hlauhthawnawm a mi tam tak an awm ta chu mutmawh hnarmawh a a neih thu sawiin, sawrkar chu tun aia nasa leh zual a heng mite chhawm-dawl hna thawk turin a ngen a ni. C. Lalsawivunga chuan tun ang dinhmun ah ngat phei chuan kan nitin mamawh (essential commodities) tui leh electric bill-ah te mipuite harsatna hriatthiamna sang tak neia kal tura sawrkar ngenin, mi thenkhat ten bill pek harsatna thil a, thawktu lam atanga disconnect mai tura vauna rawngkai titih a awm chu thalo a tih thu a sawi bawk.

Comments

Popular News (Last 30 Days)