Latest News

Serchhip District-ah June 21, 2021 thleng Total Lockdown kalpui leh a ni dawn

Mizoram-a COVID-19 hri leng avanga Total Lockdown kalpui mek chu kalpui chhunzawm tura tih a nih angin Serchhip District-ah pawh tun thla ni 21 zing dar 4:00 thleng atan kalpui leh a ni dawn a, hemi atana inkaihhruaina tur pawh nimin khan tihchhuah nghal a ni.

Tun thla ni 21 thlenga Serchhip District-a Total Lockdown kalpui chhunzawm turah hian kalphung hmanlak thlak danglam liantham a awm lova, Serchhip District pumah inkhuahkhirhna kalpui chhung hian tumahin mahni In/compound an chhuahsan tur a ni lova, building khata In hrang hrang luahte leh thler khat-a chengte pawh intlawhpawh loh tur niin District Hqrs. ah chuan VLTF leh Executive Duty-ten an huamchhungah inlenpawh an awm loh nan an huamchhung fangin hma an la anga, tul bik thil avanga chhuah ngai – damdawi lei tur, ni tin mamawh lei tur leh doctor hnena inentir turte chuan an awmna VLTF-te phalna la hmasain an chhuak thei anga, an tih tur an tih zawhah hàw lehnghal tur a ni ang. Lirthei hmanga veivah khap tlat niin hei hian phalna pek bik te erawh huam lovin zan dar 7:00 atanga zing dar 4:00 thleng Curfew a ni ang.

Eichawp dawr te chu ni tin zing dar 5:00 atanga zing dar 8:00 thleng VLTF-te ruahmanna in a hawn theih anga, Thlai/chawhmeh leh thlai chi/tiak leh Agriculture leh Horticulture kaih-hnawih bungraw zawrhna te chu zing dar 5:00 atanga tlai dar 5:00 thleng hawn theih a ni anga, heng bakah hian Dawr thenkhat hawn theih hun tur pawh ruahman leh a ni bawk.

District Hqrs. pawnlam khaw hrang hranga dawrkai ten dawr bungraw te Serchhip khawpui chhungah Nilaini leh Ningani-ah an lam khawm thei anga, District Hqrs. ah mahni In/compound chhunga hnathawktu leh hmanraw awmsa te hmangin hnathawh phal a ni a, hmasawnna hnathawh hrang hrang, quarry-a lung lak, kawng laih, Lei dawh, tui lak, adt. chu khuahkhirhna awm lovin kalpui  theih a ni ang. Lo leh huan lama hnathawh tur neite pawhin kaihhruaina hmanlai angin hna an thawk chhunzawm thei dawn a ni.

Comments

Chhiar Hlawhte