Latest News

District Planning Committee siam tura ngen rel

Champhai-a Tlawmngai Pawl hrang hrang hruaitute thukhawm chuan Mizoram pum huapa hmasawnna rualkhai zawka a kal theihna turin District Planning Committee din turin Mizoram Sawrkar ah ngenna thlen nise an ti.

Inrinni khan Champhai-a tlawmngai pawl hrang hrangte chu Champhai Sub-Hqrs. YMA Office-ah thukhawmin District Planning Committee din chungchang hi an sawiho a, he hunah hian an Vice Chairman, Zirmawia Ralte chuan hemi chungchang hi sawifiahin, India Constitution Article No.243ZD, India ram Danpui siamthat vawi 74-na in a phut angin District tinah District Planning Committee din tura a phut laiin, India rama District Planning Committee neilo tlemte zingah Mizoram chu kan la tel niin a sawi a. Committee chuan hmasawnna rualkhai zawka Mizoram pumah a kal theihna turin Mizoram Sawrkarin District tinah District Planning Committee din turin Mizoram Sawrkar ah dil nise an tih bakah he thil hi lo bawhzui turin Champhai District NGOCC hruaitute an ruat nghal bawk.

He hunah hian All NGO chuan tuna an kaldan chu tha tiin an hmalak dan te tha ti tlangin an pawm tlang a, an hmalakna ah intawiawm tlan zel an rel bawk a ni.

Comments

Chhiar Hlawhte