Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Ramri chinfelna tura hma la tura ngenna thehlut

BJP Mizoram Pradesh chuan nimin June 21, 2021 khan ramri chinfelna tura hmala tur a ngenna lehkha chu Chief Minister Office-ah an thehlut.

BJP Mizoram Pradesh in thuchhuah siama an tarlan danin Prime Minister Narendra Modi sawrkarna hnuaiah Union Home Minister, Amit Shah chuan NE State thenkhat, Assam nena ramri fello chinfel dan kawng dapin hma a la tih sawiin, kum 2019 khan NEDA Meeting ah State Chief Minister te chu mahni ramri chin tichianga State thenawm nena sawifel tum turin hriattir an ni tawh tih an sawi a. Kumin January 23 khan Shillong-a NEC Meeting neih tumin Chief Minister leh Governor te hnenah ramri chin tichiang a, sawiho hmasa turin ngen an ni leh bawk tih an sawi a ni.

Ruahmanna ang chuan Union Home Minister Amit Shah hovin NE State Chief Minister te hi July 2021 khian Meeting leh tur an ni tih BJP chuan sawiin, he Meeting lo awm turah hian Mizoram Chief Minister chu, Assam ram hruaitu (Politician) leh Officials te Mizoram chhung a rawn lutin, Assam ram chhung anga rawn cheibawl leh Mizoram chhung rawn chhuh leh luah tumna titawp nghal tura phut tur leh Mizoram ramri chin chiang taka sawifiahna document te Union Home Minister leh Assam State Chief Minister te pe ngei turin an ngen tih an sawi a. He hun tha leh remchang hi bawhpelh lo turin Chief Minister chu an chah bawk.

Comments

Chhiar Hlawhte