Latest News

MHPS in MJA, MZP leh MSU te tanpuina an hlan

Mizoram Hindi Prachar Sabha (MHPS) chuan Mizoram Journalist Association (MJA), Mizo Zirlai Pawl (MZP) leh Mizo Students Union (MSU) Headquarter te hnenah nimin khan tanpuina pawisafai an hlan.

Heng tanpuina hlanna puala inkhawm tawi neih ah MHPS Chairman, RB. Lalmalsawma chuan, COVID-19 hri leng vanga mipuiin harsatna an tawh karah midang tanpui nana luanchhuah ve an duh thu leh, chutah chuan ram rawngbawlna kawnga mi thawhhlawk Journalist leh Zirlai pawl te chu tanpuina pek awma an ngaih avanga thilpek pe ta an nih thu a sawi a ni.

MHPS Chairman chuan, hri leng dona kawngah Mizoram Journalist te chu an thawhhlawk hle tih sawiin, kawng hrang hrangin mipui rawngbawltu an nih angin hri laka inven dan inzirtir kawngah te, mipui hriat tur puanchhuah zung zung kawngah te an thawhlawk tih a sawi a; Zirlai pawl te pawhin an theih ang angin ram tan theihtawp an chhuah tih sawiin, ram tana theihtawp chhuahtute zingah hri avanga harsatna tawkte an lo awm theih avangin puite pawh an ngaihna chin a awm tih a sawi bawk. He hunah hian heng pawl hrang hrang aiawhte pawh hian lawmthu an sawi bawk a ni.

Comments

Chhiar Hlawhte