Serchhip-ah World No Tobacco Day hman a ni

/

Nimin khan khawvel pumah World No Tobacco Day hman niin Serchhip District-ah pawh he Ni pual hian hmun hrang hrangah hun hman a ni.

World No Tobacco Day 2021 hi National Tobacco Control Programme(NTCP) huaihawta hman niin COVID-19 hrileng avanga mipui punkhawmna a remloh avangin District Hospital OPD, Covid Care Centre (CCC), Nursing School Serchhip leh Covid Sample Test-na hmun, Keitum-ah te hun hman a ni.

Kumin-a World No Tobacco Day-ah hian WHO chuan thupui atan ‘Sim tura intiam’ tih a rawn thlan angin he thupui hmangin kal-khawm te hnenah infuihna neih a ni a. COVID-19 hrileng lakah kan lo him zawk theih nan zuk leh hmuam lakah fihlim a pawimawh zia te sawi a ni bawk.

Nimin-a World No Tobacco Day hmanna ah hian National Tobacco Control Programme atangin Lalramnghaka Kawlni leh C. Lalrem-puia ten thusawina hun an neih bakah Covid Care Centre, Nursing School Serchhip a hnamdang awm mek te tan he hmun a enkawltu Covid Care Centre Nurse, Lalnubawihi chuan Hindi in thu a sawi bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »