Kai thar 3, Enkawl dam 5

Niminpiah-a Sample enfiah atangin Serchhip District-ah hri kai mi 3 hmuh an ni a, nimin khan hri kai mi 5 te enkawl dam an ni bawk.

Niminpiah khan Serchhip District-a TrueNat Laboratory-ah Sample 26 enfiah niin hri kai pakhat hmuh a ni a, hri kai hmuhchhuah hi BSF Sipai niin tunhnaia State pawn atanga rawn lut, inkhunghranna hmun a awmlai a ni. Niminpiah khan Rapid Antigen Test hmangin Sample 33 enfiah ni bawkin hri kai mi pahnih hmuh an ni a, Chhingchhip khua leh Hmuntha khua ami te niin mahni inrinhlelhna neih avanga Sample enfiah niin hri kaina hriatloh an ni.

Nimin khan Serchhip District-a hri kai enkawl mi 3 te chu Nursing School CCC atanga chhuahtir niin ZMC-a enkawl mi 2 pawh enkawl dama chhuahtir an ni ve leh bawk.

Heti hian nimin thleng khan Serchhip District-a hri kai hmuhchhuah chu 661 an ni ta a, heng zinga 644 te chu enkawl dam ni tawhin hri kai hmuhchhuah atanga za zela 97.42 te chu enkawl dam an ni tawh a, tunah hian hri kai en-kawllai mi 14 la awmin hri kai zingah nunna chan mi pathum an awm tawh bawk a ni.