Latest News

Azadi Ka Amrit Mahotsav hnuaiah hun hmang

Serchhip BDO Office buatsaihin nimin khan Serchhip-ah ‘Azadi Ka Amrit Mahotsav’ hmalakna hnuaiah hriselna kaihhnawih thil pawimawh inzirtirna hun hman a ni.

India ramin Independent a hmuh champha vawi 75-na denchhena kum 2022 thleng awh tur a lawmna kalpui mek, ‘Azadi Ka Amrit Mahotsav’ hnuaia Health Awareness Programme hi Serchhip BNRGSK Hall-ah neih niin he hun hi Serchhip BDO, Vanlalhmachhuana chuan a kaihruai a, he hunah hian Serchhip CMO Office-a District Surveillance Officer, Dr. Lalhlunpuii chuan hriselna kaihhnawih mipui hriattur pawimawh hrang hrang sawiin, a bik takin tunah hian hripui leng in min chenchilh mek avanga hri darh zel tur venna kawngah theihtawp kan chhuah tlan a tul thu a sawi a. Hri leng laka kan him theihna turin midang nena intlawhpawh loh te, pawn chhuah loh te, kut silfai fo leh hmai leh hmui tuamna hman that te chu a pawimawh thu sawiin, he huna tel VC leh YMA aiawh te chu an huamchhungah theuh mipuite himna tura theihtawp chhuah turin a chah bawk a ni.

‘Azadi Ka Amrut Mahotsav’ hi India in Independence a hmuh champhaphak kum 75-na chhinchhiahna leh hriatrengna tura ruahman niin kumin April 1 khan a hawnna neih a ni tawh a, chawlhkar 75 chhung, August ni 15, 2022 thleng hun hman chhoh tura ruahman niin MGNREGS hnuaiah Amrit Mahotsav Weekly Activities neih dan tur hi ruahmanna siam angin hun hi hman a ni.

Comments

Chhiar Hlawhte