Hri kai enkawl dam pung

Nimin khan Serchhip District-ah COVID-19 hri kai mi 2 hmuhchhuah niin nimin khan hri kai mi 35 enkawl dam an ni thung.

Nimin-a Serchhip District-a hri kai hmuhchhuah thar te hi Thenzawl leh Chhingchhip atangin mi pakhat ve ve an ni a, hri kai tawh nen inkawmhnaihna neih avanga inkhunghrang lai an ni. Niminpiah khan hri kai pakhat East Lungdar-ah hmuhchhuah a ni bawk a, Zemabawk mi, Sailulak-a Cement dah tura kal niin East Lungdar PHC-a Sample enfiah a ni a, hri a kaina hriatloh a ni.

Nimin khan Serchhip District-a hri kai enkawl mi 35 te chu enkawl dam niin anmahni enkawlna hmun atanga chhuahtir an ni a, heng mite Nursing School CCC atangin mi 22 leh 4C Chhingchhip atangin mi 13 te an ni a, IAH Thenzawl-a hri kai enkawl mi pakhat chu ZMC-a enkawl tura refer a ni bawk.

Heti hian nimin thlenga Serchhip District-a COVID-19 hri kai hmuhchhuah chu 653 an ni ta a, heng zinga 614 te chu enkawl dam ni tawhin tunah hian hri kai enkawllai 36 an la awm mek a, hri kai zingah nunna chan mi 3 awm tawhin Serchhip District-a hri kai hmuhchhuah atanga za zela 94.02 te chu enkawl dam an ni tawh a ni.