Dampa Tiger Reserve-a Sakei awm thu hmunpui lamah report pek ala ni lo

/

Dampa Tiger Reserve-ah Sakei a awm ngei a ni tih finfiah a nih hnuah tun thlengin hmunpui lamah report pek a la ni lo.


 Kum 2014 atang khan Dampa Tiger Reserve-ah hian Sakei a awm tawh lo anga ngaih a nih zet hnuah, May 16, 2021 khan Wildlife Institute of India (WII) hmalakna in Sakei a awm ngei a ni tih finfiah a ni a. Sakei a awm tih finfiahna hi National Tiger Conservation Authority (NTCA) leh WII te chuan Official takin report an la dawng lo thung a ni. Dampa Field Director C. Lalbiaka chuan hmunpui lam atangin Official taka report pek hi phut chu phut ve tho tih sawiin, “Mahse, Sakei hmuhna lai tak GPS (geographic location) leh Lat-Long (latitude leh longitude) kan nei mai lo a; chubakah, chak taka hma laa hemi ti tur hian Sakei hmuhna Teirei khua chu Covid-19 hri leng avangin Containment Zone-ah puan a ni a, a buaithlak khawp mai,” a ti a. “Kan Chief Wildlife Warden hi hri pui leng avanga Home Quarantine a nih ve bawk avangin formal taka tih dawn hian hma lak chak a harsa a ni,” tiin, Vawiin lamah chuan report thawn thlak hman an inbeisei thu a sawi bawk.

Dampa Field Director chuan Dampa Tiger Reserve-a Sakei hmuh a nih thu hi hmunpui lamah chuan a thuphungin an thlen tawh thu leh a thlalak pawh Guwahati-a thuneitute hnena a thawn thlak tawh thu a sawi a. NTCA hi India ramah Region pathuma then niin, Mizoram Hqrs. chu Guwahati a ni a. Sakei hnuhma hmuh zan-ah Hqrs. lama a hriattir tawh thu sawiin, Dampa Tiger Reserve-a Sakei awm thu pawh hi WII Camera hmanga lak a nih thu a sawi bawk.

Kum 2014 atang khan Dampa Tiger Reserve-ah hian Sakei a awm leh awm loh finfiahna a awm meuh tawh loh avangin Sakei a rem tawh anga ngaih a ni hman a. Kum 2018-a Sakei chhiarpui hnuhnung berah pawh khan India rama Tiger Reserve ni si, Sakei nei lo pali zingah Mizoram hi chhiar tel a lo ni tawh bawk a. Hei vang hian a hmunpui lam atanga Tiger Reserve enkawlna tur atana sum pekchhuah an tihtlem avangin nikum atangin Tiger Protection Force te'n buaina an lo tawk tawh niin Dampa Field Director chuan a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »