Latest News

ZLP in pawi tih thu sawi

ZPM Legislature Party chuan (ZLP) chuan sawrkarin hripui leng karah bungrua leina lama uchuak taka mimal hlawkna tur a buaipui tel anga a lang thin chu pawi an tih thu an sawi.

Nimin khan ZLP hi thukhawmin sawrkarin COVID-19 dona atana sum a hman dante chik takin an thlir tih an sawi a. “NEC atanga sum dawn, NHM hnuaia sum hmanna ah khawsik enna khawl (Thermal Camera) pali lei nan cheng nuai 40 chuang hman a nih leh Ambulance pathum nuai 48 lai senga a lei te hian mawza man to min hriatchhuahtir a. Mipuite mamawh leh tul ngaihtuah hmasa lova, Airport, man to taka siam that leh Mau tiak man to taka lei tuma Tender koh talh a, mimal sum siamna awlsam ngaihtuah vanga tihluih a ni hi mipui zahlohna lian tak a niin pawi kan ti takzet a ni,” an ti.

ZLP chuan High Court hialin a khak ngaia COVID-19 dona lama sawrkar tha a thum chu a zahthlak an tih thu leh ralpui kan beih lai hian kan State CM hi bibo mai lova, hma lam atanga min hruai tawh turin kan ngen a ni, an ti bawk.

Comments

Chhiar Hlawhte