Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Hri leng dona a thawk tura inpe 16 la awm; A thawk rei ber kum khat chhung a thawk tawh

Serchhip District-ah COVID-19 hri leng avanga hlawh nei lova hri leng dona kawnga thawk tura inpe mi 16 an la awm mek a, Serchhip District-a hri leng dona-a hlawh nei lova thawk tura inpe hmasa ber chu kum khat chhung hri leng dona kawngah hian a thawk tawh a ni.



Mizoram in COVID-19 avanga harsatna kan tawh hnuah nikum June 17 khan Serchhip District chuan hri leng dona kawnga hlawh nei lova thawk tura inpe hmasa ber a nei a, hemi hnu hian midang te pawh inpe awm chhunzawm zelin nikum lama Mizoram-a hri kai hmuhchhuah an pun tak zelah phei kha chuan lawmman pek tura September 1, 2021 atanga thawktu sawm belh te nen hri dona kawnga thawk tura inpe hi mi 50 chuang an awm hman a. Amaherawh chu heng mite hi September atanga December thla thleng lawmman pek an nih hnuah mamawh zualpui tihloh chu thawk chhunzawm lo tura tih an ni a. Hemi hnu hian mi 26 te chu la thawk zui lehin heng mite pawh hi February 19, 2021 khan ban tura tih an ni leh a ni.

Hetianga hri dona kawnga thawktu inpe mi 26 te ban an nih hnu hian thawktu indaihlohna awmin an zinga mi 12 te chuan a tul apiang thawk tura inpek zui an tum thu sawiin, hna pawh an thawk chhunzawm leh nghal a, heng bakah hian NHM hnuaiah thawktu mi 4 te chu March, 2021 thleng rawih tura tih niin hei pawh hi hemi hnu hian ban tawh tura tih an ni bawk a ni.

Amaherawh chu COVID-19 Second Wave a rawn thlen zui tak avangin heng mi inpe 16 te hian tun thlengin hri dona kawngah hian hna an la thawk chhun-zawm ta zel a, Sawrkar chuan April thla atang khan heng mi te hi lawmman pe ve lehin, February leh March thla vela an thawhna ah erawh lawm-man pek an ni lo a. Heng mi inpe te zarah hian thawktu indaihlohna phuhruk a ni.

Comments

Chhiar Hlawhte