SDG India Index 3.0 (2020-21) ah Mizoram in a titha

United Nations (UN) in a kalpui mek Sustainable Development Goal (SDGs), 'Agenda 2030' an tih bawk tih hlawhtlinna kawngah Mizo-ram chuan nasa taka hma sawnin India ram State hrang hrang zingah 7-an dinhmun a hauh.

Mizoram sawrkar-a Planning & Programme Implementation Department in thuchhuah siama an tarlan danin NITI Aayog in ramchhung State hrang hrangte leh Union Territory (UTs) te Sustainable Development Goals India (SDGs) tih hlawhtlinna kawnga an hmalakna leh hmas-awnna zirchianna, SDGs India Index 3.0 (2020-21) chu tunhnai mai khan a tichhuak a.

SDGs India Index 3.0 (2020-21) ah hian Goal 17 atangin Goal 15 hmangin State leh UT te chu an dinhmun zirchiangin, tehna (indicators) engemaw zat hmangin Index Scoring 100 atang zela Goal tina an Score zat chhutchhuah a ni a. He index hmanga tehna atang hian Mizo-ram chuan nasa taka hma sawnin, India ram pumpui State zawng zawng zingah a titha berte zingah telin dinhmun 7-na a hauh phka a ni.

Kum 2018 atang khan kumtin in NITI Aayog in ramchhung State hrang hrangte leh Union Territory te SDGs tih hlawhtlinna kawnga an thlen chin leh dinhmun tlangpui tarlangin Ranking a tichhuak thin a, tun tum Ranking tih-chhuah thar berah hian a pumpuiah Mizoram Score hi za zelah 68 niin hei hi National Score ai pawhin a tha zawk a, nikum 2019-20 (Index 2.0) report aia Mizoram thanna hi 12% lai a ni.

North East State dangte nen khaikhin in North East pumpuiah Mizoram chuan din-hmun 2-na hauhin Sikkim dawtah a awm a. India ram State zawng zawng zinga titha ber chu Kerala a ni a, Himachal Pradesh leh Tamil Nadu ten dawtin Assam, Jharkhand leh Bihar State te a hnuai berah an awm a ni.