Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Vawiin Remna Ni vawi 35-na

Vawiin June 30, 2021 hi India sawrkar leh MNF ten inremna an ziahna ni, Remna ni vawi 35-na a ni a, sawrkar Pisa chawlh a nih angin sawrkar Pisa te khar an ni anga, hri leng avanga inkharkhipna kalpui mek a nih avangin he ni puala programme ruahman erawh a awmlo thung.


MNF ten kum 1966 atanga Mizoram tana zalenna an sual avanga an rammut hnuah kum 20 leh thla 3 chhung Mizoram chu rambuaia kan awm a, MNF leh India sawrkar aiawh te chuan Dt. 30.06.1986 zan  khan inremna hi an ziak a, he inremna thluthlung ah hian India sawrkar aiawhin R.D. Pradhan, Home Secretary; MNF Party aiawhin Laldenga, President leh Mizoram sawrkar aiawhin Lalkhama, Chief Secretary te chuan hming an ziak a ni.

Comments

Chhiar Hlawhte