Latest News

Kolasib Dist. a kangmei veng tha ah Thingthelh thlang

Kolasib District-a kumin a kangmei veng tha ber atan Thingthelh khua chu thlan an ni.

Kolasib District Fire Prevention Committee chu nimin khan Kolasib DC Conference Hall-ah thukhawmin kum 2021 chhunga an District chhunga ram kang venna kawng a hma la tha khua thlanna chu tehfung hrang hrang hmanga neih a ni a. Village Council leh Branch YMA report-te bakah Forest Department Official leh BDO hnen atangin khawtlang hmalak dan tlangpuite ngaihthlak a ni a. Kangmei veng tha berah Thingthelh khua thlan niin pahnihna-ahi Khamrang leh pathumna ah N. Chhimluang te an ni a, lawmman pakhatna hian Rs. 50,000/- kengtelin pahnihna in Rs. 30,000/- leh pathumna in Rs. 20,000/- a kengtel a ni.

He thutkhawm ah hian District Bawrh-sap, Dr. H. Lalthlangliana chuan kumin a Mizo-ram District hmun hrang hrangah kangmei nasa tak a chhuak chu pawi a tih thu sawiin, Kolasib District hmun thenkhat a kangmei chhuakte erawh Sawrkar leh khawtlang thawhhona zarah rang tak a thelh mih a nih thu a tarlang bawk.

He thutkhawm ah hian Kolasib DFO, N.Viji, IFS chuan kumin chhunga Kolasib District chhunga ram kang thlen dan tlangpui tarlanna hun neiin tum 361 ram kang report dawn a nih thu a sawi a, a zau zawng hi FSI report atanga a lan danin Hectare 323.71 a zau a ni a. Heng ram kang zinga Hectare 307.41 te chu lo halna niin hmun dang a kangmei chhuakte pawh rang tak a thelh a nih thu ngaihthlak a ni bawk.

He hunah hian Hrileng avanga ram pum a hun khirhkhan tak hmachhawn mek a nih rualin fimkhur tak a Green Mizoram Day pual-a thingtiak phun kalpui dan tur sawiho a ni a, June 11, 2021 hian Saidan Field, Kolasib-ah sawm bikte nen Green Mizoram Day khuh hawnna hun hman tum a ni.

Comments

Chhiar Hlawhte