Latest News

Lungpho-ah hri kai enkawlna tur 4C siam a ni

COVID-19 hri leng mek lo hmachhawn tura inbuatsaihna atan Lungpho-ah Community Covid Care Centre (4C) siam a ni a, nimin khan khawtlang mipui ten hnatlang neiin bialtu MLA leh Assembly Deputy Speaker, Er. Lalrinawma chuan helai hmun hi a tlawh a ni.

COVID-19 hri leng in ziaawm lam ala pan hleih theihloh avang leh Fur khua in min nan chhoh dawn avanga harsatna thleng palh thei thlirin Tuikum bial chhunga khaw pali- Lungpho, Ngentiang, Rullam leh Thinglian khua te chuan Lungpho High School hmunah COVID-19 hri kai te enkawl theihna tur 4C hi an siam a, he 4C hi Ngentiang PHC behchhana din niin hemi hmalam hian bialtu MLA hian 4C dinna atan hian Rs. 70,000/- pe tawhin nimin khan heng khaw pali te hian hnatlangin 4C tur buaipui hna hi an thawk a ni.

Nimin a Lungpho a tlawhna ah hian bialtu MLA hi VC, khawtlang hruaitute leh Medical lama thawktu ten lo dawngsawngin 4C-a hman turin BP Check na, Oxygen Level enna leh Khawsik enna te a hlan nghal a. He hunah hian Assembly Deputy Speaker chuan a bial chhunga chuan chunglam khaw 4 tangrual ten 4C an din thei chu chhuanawm a tih thu sawiin, hlawhtling taka 4C din a nih theih nan VC, NGO, Task Force, Political Party hrang hrang leh khawtlang mipuite an tanruala thawhhona tha an neih a pawimawh thu a sawi a ni.

Bialtu MLA chuan COVID-19 hri chu hriatthiam har tak a nih thu pawh sawiin, hri kai te nena chengho reng te pawh an inkaichhawn loh laiin kaina pawh hriatloh in awlsam te-a inkaichhawn theih a ni thung tih a sawi a. Hei vang hian hri kai nia inringhlel te chuan thuneitute hnena in hriattir-a mahni dinhmun hriatchian vat a pawimawh thu a sawi a. He hri kai te chu hriatchhuah vata enkawl vat a nih chuan awlsam taka enkawl dam theih a nih laiin enkawl har erawh chuan natna hlauhawm tak a nih theih thu a sawi a. Hri leng chu hlauh avanga phili lovin, fimkhur taka a hlauh dan tawk thiam a pawimawh thu a sawi bawk.

Comments

Popular News (Last 30 Days)