Tanpuina pechhuak awm zel

/

COVID-19 hri leng avanga harsatna tawk te tanpuina atan pawl leh mimal hrang hrang te chuan ke an penchhuak zel.

Serchhip-a Officer te intelkhawmna, Serchhip Offices’ Club-a Member te chan an remchan ang sum leh pai thawhkhawmin nimin khan Serchhip-ah an semchhuak a, SOC te hian Covid Care Centre (CCC)-a a tul anga hman turin CMO, Dr. Laldawngliana Sailo hnenah Rs. 10,000 hlanin Serchhip Town chhunga VLTF 14 te hnenah Rs. 3000/- theuh an hlan bawk.

Serchhip ICDS Project hnuaia Angan-wadi Workers Association te pawhin niminpiah khan an huamchhunga COVID-19 hri kai te enkawlna hmun hrang hrangte tanpuina atan Rs. 5000/- chu Serchhip CMO Office-ah an hlan bawk a, Anganwadi Workers Association-ah hian member za vel awmin an sum leh pai remchan ang thawhkhawm chu hri kai enkawl mek te enkawlna atan hian hlanin District Surveillance Officer, Dr. Lalhlunpuii hnenah an hlan a ni. 

Tunhnai khan Keitum VLTF leh Keitum VC te chuan COVID-19 hri kai te enkawlna atan Serchhip CMO hnenah Rs. 5000/- ve ve hlanin Serchhip Kawnpui North VLTF te pawhin Ser-chhip CMO Office ah Rs. 5000/- an hlan bawk a. Serchhip Kawnpui VLTF Chairman, V. Tlangthuama pawhin VC lawmman (thla 6) chu hri kai enkawltute mamawha hman turin tunhnai khan CMO Office-ah a hlan bawk. Heng bakah hian pawl leh mimal, mahni VLTF huamchhunga chechhuak thahnem tak an awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »