Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Naupang tui-ah tlahlum

Nimin chhun dar 1:00 vel khan Esther Lalrawngbawli (9), New Serchhip Venglai chu an kawmthlang-a tuikhuah-a chesualin tui-ah a tlahlum.

Thudawn danin New Serchhip Venglai leh Khawtetlang inkar kawr-a luang Tlangpui lui-ah Laltlanmawia, New Serchhip Venglai te chuan Sangha dahna turin tui an khuap a, hetah hian tunhnaiah naupang ten tui cheng thinin a neitute pawh hian an hau fo a. Nimin khan Esther Lalrawngbawli leh a thian, hmeichhe naupang kum 5 mi te chu an kal nia hriat a ni a. A thlang lama Sangha Dil neitu pakhat chuan he tuikhuah a naupang pakhat lo lang chu hmuin a bulhnaia awm te punin lakchhuah a nih hnuah damdawi In panpui nghal a ni.

Hetianga naupang pakhat an lakchhuah hnu hian tuikhuah bulah Silipar bun khat ala awm avangin midang an la awm ringin tuikhuah hi dap leh a ni a, hetah hian Esther Lalrawngbawli (9) D/o Lunghnema, New Serchhip Venglai ruang hi hmuh niin a lo boral hman tawh nia thu-dawn a ni a, a hmaa an lakchhuah hmeichhe naupang pakhat erawh damdawi In-ah enkawl niin nimin tlai khan a rawn harhchhuak nia thudawn a ni bawk. He tuikhuah hi ft. 5 vela thuk niin tunhnai chho ah ruah a sur avangin tui chim chin hi a san belh nia thudawn niin nimin-a he tuikhuah a kal hmeichhe naupang pahnih hi tuichen thiamlo ve ve nia thudawn a ni bawk.

Comments

Chhiar Hlawhte