Serchhip Dist. ah ASF vangin Vawk 200 chuang a thi tawh

Zonuna Kawlni /

Serchhip District-a Vawk hri, ASF hri lenna hmunah Vawk thi 11 awm belh lehin chhan hriat loh a Vawk thi 4 a awm leh bawk.

AH&Vety Department chhinchhiahna atanga a lan danin nimin chawhnu dar 1:00 atanga chhiarlet-a darkar 24 kalta chhung khan Serchhip District-a Vawk hri, African Swine Fever (ASF) lenna hmunah Vawk thi 11 awm lehin heng te hi New Serchhip huamchhung ami te vek an ni a, Vawk puitling 9 leh Vawk laklawh 2 te niin New Serchhip huamchhungah hian ASF vangin Vawk 135 lai a thi tawh a, Serchhip District-a ASF vanga Vawk thi pawh 208 an tling ta bawk a ni.

Hemi hunchhung vek hian Serchhip-ah chhan hriatloh-a Vawk thi 4 awmin Khawlailung ah chhan hriatloh-a Vawk thi pakhat a awm bawk a, heti hian Serchhip District chhunga chhan hriatloh a Vawk thi pawh 87 lai awm tawhin heng zinga 75 te chu Serchhip khawpui chhung ami a ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »