Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

HSSLC result-ah Serchhip-a zirna In an titha

Mizoram Board of School Education (MBSE) in nimin-a Higher Secondary School Leaving Certificate (HSSLC) result a tihchhuah ah Serchhip Town chhunga zrina In te an titha thawkhat viau niin a lang.

HSSLC Exam result tihchhuah takah hian Arts-ah Govt. HSS Serchhip atangin zirlai naupang 96 exam-ah 86 an pass a, za zela 89.58 in an pass a ni. Distinction-ah zirlai 2 pass in 1st Division-ah 27, 2nd Division-ah 49 leh 3rd Division-ah 8 an pass a. Brilliant HSS atangin zirlai 65 exam-ah 59 pass in 90.76% in an pass a. 1st Division-ah 15, 2nd Division-ah 41 leh 3rd Division-ah 3 in an pass a ni. Eklavya Model Residential School atangin 17 exam in an pass vek a, zaa za in an pass a, Distinction-ah 2, 1st Division-ah 11 leh 2nd Division-ah 4 an pass a ni. Chhiahtlang HSS atangin zirlai exam 27 te an pass vek bawk a, Distinction-ah 5, 1st Division-10, 2nd Division-ah 9 leh 3rd Division-ah 3 ten an pass a ni.

Science-ah Govt. HSS Serchhip atangin zirlai 59 exam in 55 an pass a, za zela 93.23 in an pass a, Distinction-ah 1, 1st Division-ah 34, 2nd Division-ah 18 leh 3rd Division-ah 2 an pass a, Eklavya Model Residential School atangin zirlai 14 exam-ah 13 an pass a, za zela 92.85 in an pass a, 1st Division-ah 10, 2nd Division-ah 3 leh 3rd Division-ah 13 in an pass a ni.

Commerce-ah Brilliant HSS Serchhip atangin zirlai 11 exam in an pass vek bawk a, Distinction-ah pakhat, 1st Division-ah 4 leh 2nd Division-ah 6 in an pass bawk a ni.

Serchhip District in titha :

Nimin-a MBSE in Higher Secondary School Leaving Certificate (HSSLC) Exam result a tih-chhuah ah Serchhip District chuan a titha viau a. Arts-ah zirlai 416 exam in 393 in an pass a, zirlai za zela 94.47 ten pass in District hrang hrang zingah pass percentage sang ber a ni. Science ah zirlai 95 exam in 87 an pass a, za zela 91.58 in pass in District zingah 5-na a ni bawk a, Commerce-ah zirlai 11 exam in an pass vek a, zirlai za ah za pass in District hrang hrang zingah a titha ber a ni bawk.

Top 10-ah mi 2 lang :

Nimin-a MBSE in pawl 12 result a tihchhuah takah Serchhip mi pahnih te chu a titha zual 10 thlanchhuah zingah an lang a. C. Lalrintluangi D/o C. Lalduhawma, Serchhip P&E Veng; Oikos HSS Aizawl-a lut chuan Commerce-ah Mark 500 ah mark 473 hmuin Mizoram pumah pakhatna a ni a, Economics-ah mark 97 leh Business Mathematics-ah mark 96 hmuin Mizoram-a mark hmu sang ber a ni bawk. Hei bakah hian F. Remsangpuia s/o F. Remnalalnghaka, IOC Veng; St. Paul’s HSS Aizawl chuan Science Subject-ah mark 500-ah mark 444 hmuin Mizoram pumah 5-na a ni bawk.

Comments

Chhiar Hlawhte