Latest News

Hri kai mi 7 hmuh belh leh

Nimin khan Serchhip Darnam Veng-ah COVID-19 hri kai mi 7 hmuhchhuah belh leh an ni a, Serchhip District-a hri kai hmuhchhuah chu mi 683 an tling ta.

Nimin-a Serchhip Darnam Veng-a hri kai hmuhchhuah te hi tunhnaia State pawn atanga rawn lut, In lama inkhunghrang lai leh an chhungte niin In pakhat-a khawsa an ni a, taksa-a hri kai lanchhuahna neilo an ni.

Nimin khan Serchhip District-a COVID-19 hri kai enkawl mi pahnih te chu anmahni en-kawlna hmun atanga chhuahtir an ni ve leh bawk a. Heng hri kai enkawl dam tak te hi Nursing School CCC leh 4C Chhingchhip atangin mi pakhat ve ve an ni.

Heti hian nimin thleng khan Serchhip District-a COVID-19 hri kai hmuhchhuah chu mi 683 ni tawhin an zinga 652 te chu enkawl dam an ni tawh a, tunah hian hri kai enkawllai mi 28 la awmin hri kai zingah nunna chan mi pathum an awm tawh bawk a ni.

Comments

Popular News (Last 30 Days)