GST Council Meeting in Tax rate tihhniam sawiho

/

COVID-19 dona leh damlote enkawlna tur damdawi leh hman-rua atana GST lak chungchang sawihoin Inrinni khan Union Finance & Corporate Affairs Minister, Nirmala Sitharaman-i kaihhruai GST Council Meeting Vawi 44-na neih a ni.

GST Council Meeting-ah hian Mizoram atangin DM&R Minister, Lalchamliana chu telin he Meeting hi Video Conference hmanga neih a ni a, GST Council chuan COVID-19 dona leh damlote enkawlna atana damdawi leh hmanraw hrang hrang atanga GST lak thin chu a Tax rate tihhniam tha an ti a ni.

Hemi chungchang hi GST Council Meeting vawi 43-na ah ngaihtuah tawh niin, GST Council hnuaia Fitment Committee-in rawtna a siamte thlirho a ni a. Fitment Committee rawtna siamte zingah ngaihtuah chian lehzual ngai a awm ni a hriat a nih avangin GST Council chuan chipchiar zawka lo zirchiang turin Group of Ministers (GoM) a din a. Meghalaya Chief Minister, Conrad K. Sangma kaihruaina hnuaiah GoM hian hma la nghalin an rawtna te chu GST Council-ah hian an thlen a. Hei hi tun tumah hian thlirho niin rawtna te pawh pawm nghal a ni a, Notification hmangin Sawrkar-in thuchhuah a siam anga. Heng rate tihdanglamte hian September ni 2021 thleng a awh dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »