NYKS in Faina ah hma la

/

Azadi Ka Amrit Mahotsav kalpui mekah ramchhung hmun dangte rualin Nehru Yuva Kendra Sangathan (NYKS) Serchhip te chuan Serchhip District chhung hmun hrang hrangah Faina beihpui an thlak mek.

He hmalakna hnuaiah hian NYKS Serchhip chuan District chhung khua zawng zawngte chu an theih anga hma lo la ve tura ngenna an pek vek bakah anmahni ngei kalchhuakin hmun pawimawh thlan bik engemawzat ah Faina hnatlang an nei a, chung hmunte chu Kawlri tlang, Bawngchawm, Serchhip Paragliding hmunpui, District Park, Vantawng Khawhthla, Tuirihiau, Chalkhan pengthuam, Chalkhan Dumping area, Chawm Kai leh School thenkhat bakah Vantlang Park leh Health Centres thlan bik te a ni a. Heng bakah khaw thenkhat a Tuikhur thlanchhuah te pawh an tifai bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »