Lunglei-ah RT-PCR bun tur sawihona nei

Thorang bialtu MLA Zodintluanga’n Lunglei District tana RT-PCR khawl a pek chu Makeshift Laboratory siam mekah hman a ni dawn.

Lunglei-a RT-PCR Laboratory ruahman mek chungchangah nimin khan Lunglei HPC Vice Chairman Lawmawma Tochhawng hovin NGO hrang hrangte chuan Lunglei HPC Conference Hall-ah Meeting an nei a, he hunah hian Joint NGO Coordination Committee member-te zawhna chhangin HPC Vice Chairman Lawmawma Tochhawng chuan Makeshift Laboratory-a RT-PCR khawl bun tum a nih thu hi a sawi a ni. He hunah hian NHM Mission Director Dr. Eric Zomawia chuan India COVID-19 Emergency Response & Health System Preparedness Package : Phase-II kaltlangin Lunglei RT-PCR Laboratory mamawh bungrua leh thil hrang hrang leina atan cheng nuai 30 dawn anih thu a sawi a. Lunglei DMS Dr. SR. Ngurchamliana chuan Tourist Lodge building-a RT-PCR laboratory bun turin Sept. 20-ah hna thawk tanin Civil Works hi October thla tawpa zawhfel anih thu a sawi bawk.

Comments

Popular News (Last 30 Days)

Serchhip DCSO sawn a ni