Ram zau zawk-ah Hospital dah a tul

Ram zau zawk-ah Hospital dah a tul

Serchhip District-a Damdawi In kan neih len ber, Serchhip District Hospital chu hun engemaw chen atanga sak that tumna awm tawhin kum 10 vel liamta ah khan a sak thatna tur hian lungphum te pawh phum a lo ni tawh a. Amaherawh chu tun thlengin kan damdawi In sakna atan hian hmalakna lian erawh ala awm ta chuanglo niin a lang. Kan damdawi In sak that chungchangah hian hun kal tawh lamah a hmun tur chungchangah lungrual lohna a awm fo tawh a, hetihlai hian Serchhip-a tlawmngai pawl leh VC hrang hrang te thukhawm chuan Bukpui leh Chhiahtlang inkar ram chu Hospital sakna atan hian lung-rual takin an lo pawm tlang tawh bawk a ni.

Hetianga kan damdawi In sakna tur hmun chungchanga kan NGO leh VC ten lungrual taka thu khat an vuak tawh lai hian damdawi In hmun tur chungchangah a sawitu tak tak hriat tur awm si lovin Serchhip khua chu lungrual theilo leh hemi avanga damdawi In pawh a building sa tura harsatna la nei ang hian sawi kan ni fo mai a. Khawtlang mipui ten lungrual taka damdawi In sak kan beisei tawh laia hetiang thu thang lo awm leh thin hi a pawiin hetiang thil hi thleng tawhlo se a duhawm hle a ni.

Serchhip khua hian khawpui laili ah damdawi In kan nei a, mipuite tan pan a awl in a tangkai viau a ni. Amaherawh chu Damdawi In building sak that hian damlo enkawlna tur Ward chauh ni lovin ken tel thil tul leh mamawh a ngah viau a, hei hi kan ram neihsa hian a zo meuh tawhlo niin a lang a, tunhnaia Oxygen Plant kan bun te pawh a dahna tur a awm meuh tawhlo tih theih a ni. Hei vang hian Hospital thar sakna atan hian ram zau zawk kan mamawh tih kan hriat thar a tul hle a ni.

Comments

Popular News (Last 30 Days)

Serchhip DCSO sawn a ni