Khawpui fai inelna atan inbuatsaih mek zel

/

Mizoram khawpui fai thlanna neih tur atana inbuatsaihna kal zelah nimin khan Serchhip-a VC thenkhat te chuan Faina hnatlang neiin an huamchhung thenfai hna an thawk a, VC thenkhat chuan hri leng avanga khawtlang huap hnatlang nei lovin mipuite sum thawhkhawm hmangin an huamchhung thenfai hna hi hlawhfa nen an thawk bawk a ni.

Hetihlai hian Mizoram khawpui fai inelna in a kentel pakhat, kum khat-a vawi hnih thing-tiak phun tura tih bawhzuiin Vawiin hian UD&PA Department chuan thingphun beihpui an thlak dawn bawk a, hemi pual hian DFO kaltlanga an hmuh thingtiak chu VC Area hrang hrangah semin heng te hi tunkar chhungin anmahni area theuh ah VC te hian an phun ve leh dawn a, an mamawh ang thingtiak te petu DFO chungah an lawm thu leh a puitlin theihna tur hmun ah ngei phun an tum thu DUDO chuan a sawi bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »