Ramri-a kawng laitu Field lai tura pawhpen a ni

Mizoram leh Assam ramri hnai, Vairengte dai Aitlang-a kawng lai tura tih JCB pakhat chu hun engemaw chen a chin hriat lova a awm hnuah Vairengte Field laihna hmunah hmuh a ni.

Kolasib atang thudawn danin Mizoram leh Assam inkarah buaina a chhuah hnu khan District Administration ruahmanna angin ramri bulhnaiah hian kawng laih a ni a, henglai chhehvela huan neituten an huan thlai rahte harsatna nei lova an seng theih nana hmalakna a ni a. Hemi atan hian sum awmsa awm lovin JCB neitute chu tlawmngaih chhuah tura ngen an ni a, hnathawh dan vil tur hian Kolasib Sub-Hqrs YMA hruaitute chu ruat an ni bawk.

Hetianga hmalak a nih lai hian kawng laitu JCB hi chin hriatloh in a awm a, Kolasib DC in Work Supervisor chu lo chhuichiang tura a tih angin chhuizui a ni a, Vairengte Feld laihna atan lo hman a ni tih kan thudawnna chuan sawiin, hetianga hmun hran a hman hi thuneitu sang te pawhin an hriatpui niin kan thudawnna chuan a sawi bawk.

Comments

Popular News (Last 30 Days)

Serchhip DCSO sawn a ni