Hri kai mi 37 hmuh belh leh

Serchhip District-ah hri kai hmuh belh zel la niin hri kai enkawl dam pawh an pung ve zel.

Nimin khan Serchhip District-ah COVID-19 hri kai mi 37 hmuh belh an awm a, heng hri kai hmuh belh te zinga 17 hi Serchhip ami te niin Thenzawl-ah hri kai mi 10 lai hmuh belh an awm bawk a, Chekawn-ah hri kai mi 6 hmuh belh an awm bakah Chhingchhip leh Keitum khua ah hri kai mi pahnih ve ve hmuh an ni bawk.

Niminpiah khan Serchhip District-a TrueNat Laboratory atangin hri kai mi 6 hmuh an ni bawk a,an zinga 4 te hi Serchhip khaw mi niin Thenzawl leh Dawn (Myanmar) mi pakhat te an ni a, Rapid Antigen Test hmanga hri kai nimin a kan rawn tarlan bakah Kanghmun South ah hri kai mi pakhat hmuh a ni bawk.

Nimin khan Serchhip District-a hri kai te zingah mi 34 te chu enkawl dam niin anmahni enkawlna hmun atanga chhuahtir an ni ve leh a. Heti hian nimin tlai thlenga Serchhip District-a hri kai hmuhchhuah chu 4850 niin an zinga 4471 te chu enkawl dam an ni tawh a, hri kai enkawllai 364 la awmin hri kai hmuhchhuah atanga za zela 92.18 te enkawl dam an ni tawh a, hri kai zingah mi 15 an boral tawh a ni.