Pathianni-ah COVID-19 hri kai 165 hmuh leh an ni; Hri kai enkawllai sang ruk aiin an tlem tawh

Pathianni khan Mizoram-ah Sample 2204 enfiah niin heng atang hian COVID-19 hri kai 165 hmuhchhuah an ni a, Sample enfiah atanga za zela 7.49 te chuan hri an kai a ni.

Pathianni zan ZMC-a RT-PCR Laboratory-ah Sample enfiah awm lovin District hrang hranga TrueNat Laboratory-ah Sample enfiah a awm lo bawk a, Fluorescent Immunoassay (FIA) Test hmangin Aizawl District-ah Sample 28 enfiah niin heng atang hian hri kai mi 19 hmuhchhuah an ni a, an vai hian Aizawl khawpui chhung ami te vek an ni.

Heng bakah hian Rapid Antigen Test hmangin Mizoram hmun hrang hrangah Sample 2176 enfiah ni bawkin heng atang hian hri kai mi 146 hmuhchhuah an ni bawk a, an zinga 79 te chu Aizawl District ami te niin Mamit District-ah 23, Lunglei District-ah 22, Hnahthial District-ah 7, Serchhip District-ah 7, Kolasib District-ah 5 leh Saitual District-ah mi 3 te an ni.

Nimin khan Mizoram hmun hrang hranga hri kai enkawl mi 501 te chu tlai dar 5:00 thleng khan anmahni enkawlna hmun atanga chhuahtir an ni tawh a, heti hian nimin tlai dar 5:00 thlenga Mizoram-a hri kai an hmuh tawh chu 1,21,524 niin an zinga 1,15,113 te chu enkawl dam ni tawhin hei hi hri kai hmuhchhuah atangin za zela 94.72 a ni a, hri kai enkawllai 5978 an la awm bawk a. Thla hnih leh a chanve zet a liam hnuah Mizoram-a hri kai enkawllai pawh mi sang ruk aia tlem-ah a tlahniam ve leh ta a ni.

Hetihlai hian Mizoram-a hri kai te zingah boral an la awm belh zel a, nimin khan he thu buatsaih lai thleng hian hri kai mi 2 boral awmin Mizoram-a hri kai zingah mi 434 zet an boral tawh a ni.