State Board for Wildlife thutkhawm neih a ni

State Board for Wildlife thutkhawm vawi 9-na chu nimin khan Chief Minister Zoramthanga hovin CM Conference Hall-ah neih a ni.

He thutkhawm ah hian Buhvum Wildlife Sanctuary (rawtna hmasa a Saikhawthlir Wildlife Sanctuary tia vuah) siam tura rawtna kal bawhzui dan te sawiho niin, Wildlife (Protection) Act, 1972 hnuaia Buhvum Wildlife Sanctuary puang turin a thuphunga pawm a ni a. Aizawl Zoological Park zauh a changtlung zawka cheibawl tura rawtna chhawpchhuah chu tha an ti a. Zirchianga bawhzui ngaite bawhzui ni se tih a ni.

Hei bakah hian Tawi Wildlife Sanctuary chhunga Gravity Water Supply Scheme te, ramsa kuta nunna chan leh initiate hnena zangna-dawmna pek chungchangte sawiho a ni a. Dan kalha Air Gun leh Air Rifle hmanga ramvak thin an awmloh nan inhrilhhriatna nasa zawka kalpui tha an tih thu an sawi bawk.