Hri kai hmuh pung leh hret

/

Nimin khan Serchhip District-ah COVID-19 hri kai hmuhchhuah pung leh hretin hri kai mi 51 zet hmuhchhuah leh an ni.

Nimin-a Serchhip District-a hri kai hmuhchhuah zinga 24 te hi Serchhip-a hri kai hmuhchhuah niin Thenzawl khua ah hri kai mi 17 zet hmuhchhuah leh an ni bawk a, Kanghmun-ah hri kai mi 8 hmuh an nih bakah Chhingchhip leh Chekawn khua ah hri kai mi pakhat ve ve hmuh an ni bawk. Niminpiah khan Serchhip District-a TrueNat Laboratory-a Sample enfiah 30 te atangin hri kai mi pathum hmuh ni bawkin an vai hian Serchhip khawpui chhung ami te vek an ni.

Serchhip District-a hri kai enkawl te zingah nimin khan mi 91 te chu enkawl dam niin anmahni enkawlna hmun atangin chhuahtir an ni a. Heti hian nimin tlai thleng khan Serchhip District-a hri kai hmuhchhuah chu 4676 niin an zinga 4283 te chu enkawl dam an ni tawh a, hri kai hmuh tawh atanga za zela 91.59 te enkawl dam niin hri kai enkawllai 379 an la awm a, hri kai zingah mi 14 an boral tawh bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »