PM in Vaccine chungchangah State te a kawm

Prime Minister Narendra Modi chuan COVID-19 vaccine chungchangah State leh Union Territory hotute nimin khan kawmin, vaccine pechhuak tlem zual State-te chu tan la turin a fuih.

Prime Minister hian nimin khan biak hmuhtheihna hmanga State leh UT hrang hrang hruaitute hi kawmin Mizoram atangin Chief Minister Zoramthanga a tel a. He Meeting-ah hian COVID-19 vaccine pechhuak tlem zual District pariat-a District Magistrate te atangin an harsatna tawhte ngaihthlak niin theihtawp chhuah a, kumin kumtawpah chuan Vaccine dose hnih a tam zawkin an lak theih nan tan la turin Prime Minister chuan a chah a. Sawrkar laipuiin 'Har Ghar Dastak' tih thupui hmangin chhungtin ten Vaccine dose hnih venhimna an chan theih nan In tin tlawhchhuaka hmalak a tum thu a sawi bawk.

COVID-19 Vaccine pekchhuah kawngah Mizoram chu a thawk tha thawkhat hle tih nimin a sawrkar thuchhuah chuan tarlangin, Vaccine la thei atanga chhutin 1st Dose 82% pekchhuah tawh a ni a. 2nd Dose chu 60% pek chhuah tawh niin State dangte nen khaikhin chu Second dose pechhuak tam lamah 8-na a ni.

He Meeting-ah hian Chief Minister hi Health Minister Dr. R. Lalthangliana chuan tawiawmin Chief Secretary Renu Sharma, Health Secretary R. Lalramnghaka leh NHM Mission Director Dr. Eric Zomawia te pawh an tel a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man