Hri kai 508 hmuh belh niin mi 412 dam belh

Niminpiah khan Mizoram-ah Sample 3581 enfiah leh niin heng atang hian COVID-19 hri kai mi 508 hmuhchhuah an ni a, hri kai hmuh hi tlem deuh mah se Sample enfiah atanga chhut chuan za zela 14.18 zet ten hri hi an kai a ni.

ZMC-a RT-PCR Laboratory-ah niminpiah khan Aizawl District atanga Sample lak 389 enfiah leh niin heng atang hian hri kai mi 65 hmuhchhuah an ni a, Veng leh khua 20 atanga hri kai hi hmuh niin Vengmal-a hri kai mi 10 aia tam hmuhna Maubawk chiah awmin hri kai mi 11 hmuh an ni. Hei bakah hian Aizawl District-ah hian FIA Test hmangin niminpiah khan Sample 43 enfiah niin hri kai mi 12 hmuh an ni bawk a, an vai hian Aizawl khawpui chhung ami te an ni.

Mizoram District hrang hrang 8-ah niminpiah khan TrueNat Laboratory atangin Sample 152 enfiah niin hri kai mi 30 hmuh an ni bawk a, an zinga 12 te chu Mamit District ami te niin Khawzawl District-ah 7, Champhai District-ah 6, Kolasib District-ah 4 leh Saitual District-ah mi pakhat te an ni.

Rapid Antigen Test hmangin niminpiah khan Sample 2997 enfiah ni bawkin heng atang hian hri kai mi 401 hmuhchhuah an ni bawk a, an zinga 233 te chu Aizawl District-a hri kai hmuhchhuah niin Lunglei District-ah 41, Serchhip Districy-ah 31, Champhai District-ah 30, Mamit District-ah 21, Kolasib District-ah 18, Hnahthial District-ah 12, Saitual District-ah mi 9, Lawngtlai District-ah mi 5 leh Khawzawl District-ah mi pakhat te an ni.

Nimin khan tlai dar 5:00 thlengin Mizoram-ah hri kai mi 412 enkawl dam an awm leh a, heti hian nimin tlai dar 5:00 thlenga Mizoram a hri kai hmuhchhuah chu 1,24,026 niin an zinga 1,17,857 chu enkawl dam niin hri kai zinga za zela 95/03 te enkawl dam an ni tawh a, hri kai enkawllai 5725 la awmin nimin-ah hri kai mi 4 boral awm belh lehin hri kai zingah mi 444 an boral tawh a ni.