Hri kai thar 638 leh enkawl dam 301 an awm

Niminpiah khan Mizoram-ah Sample 6181 enfiah niin heng te atang hian COVID-19 hri kai mi 638 hmuh leh an ni a, Sample enfiah zawng zawng atanga za zela 10.32 te chuan hri an kai a ni.

Niminpiah khan ZMC-a RT-PCR Laboratory-ah Sample 607 enfiah niin heng te hi Aizawl District atanga Sample lak vek niin hri kai mi 85 hmuh an ni a, Veng leh Khua 23 atanga hri kai te hi hmuhchhuah niin hri kai mi 10 aia tam hmuhna Veng pahnih a awm a ni. Fluorescent Immunoassay Test hmangin Aizawl District-ah Sample 69 enfiah niin hri kai mi 8 hmuh an ni bawk a, an vai hian Aizawl khawpui chhung ami te vek an ni.

Niminpiah khan District 7-a TreuNat Laboratory-ah Sample 290 enfiah ni bawkin hri kai mi 38 hmuh an ni bawk a, an zinga 16 te chu Lunglei District atanga hri kai hmuhchhuah te niin Mamit District-ah 8, Champhai leh Lawngtlai District-ah 4 ve ve leh Kolasib leh Saitual District-ah hri kai mi 3 ve ve hmuh an ni bawk.

Heng bakah hian Rapid Antigen Test hmangin Sample 5215 enfiah ni bawkin hri kai mi 507 hmuhchhuah an ni a, an zinga 200 te chu Aizawl District-a hri kai hmuhchhuah te niin Lunglei District-ah hri kai mi 130 hmuhchhuah an ni bawk a, Serchhip District-ah 59, Hnahthial District-ah 35, Champhai District-ah 26, Mamit District-ah 23, Saitual District-ah 12, Siaha District-ah 9, Lawngtlai District-ah 8, Khawzawl District-ah 3 leh Kolasib District-ah hri kai mi 2 hmuh an ni bawk.

Nimin khan tlai dar 5:00 thlengin hri kai mi 301 enkawl dam niin Mizoram-a hri kai hmuhchhuah 1,22,992 atangin 1,16,532 enkawl dam an ni tawh a, hei hi hri kai hmuhchhuah atangin zaa 94.75 niin enkawllai 6024 an la awm a, nimin-ah tlai dar 5:00 thlenga boral awm belh lovin hri kai zingah mi 436 an boral tawh a ni.