Aizawl-ah Rubber Development Board Office hawng

Land Resources, Soil & Water Conservation Department changtu Minister R. Lalzirliana chuan nimin khan Aizawl-ah Rubber Board of India-in Rubber Development Board Office an rawn nghah chu a hawng.

LR, S&WC Department Office, Aizawl Tennis Court chhaka Rubber Development Board Office hawnna hunah hian Minister R. Lalzirliana chuan Mizoram ngeia Rubber Board Office hawn a ni tawh chu Department tan mellung pawimawh tak leh rubber chingtute tan hlawkpui zawka Rubber chin leh an hralhchhuahna ah bung thar kaina nia a ngaih thu a sawi a. Khawvel sik leh sa inthlak danglam avangin tun hmaa thei leh tlai that theihlohna hmunah te, chung thei leh thlai te chu a tha thei tawh tih sawiin, Rubber pawh tun hmain phai zawl khaw lumah a tha thin a, mahse tunah chuan tlang ramah te pawh a tha tawh tih a sawi a. Rubber chin chu Mizoram economy siam tha thei nia a hriat thu sawiin, Department in Rubber chingtute puih nan theihtawp a chhuah mek thu a sawi bawk.

Rubber Development Office thar hi Chiranjib Banik, Assistant Development Officer, Rubber Board of India in a thutchilh dawn a ni.