MCU in pawisa la lo turin ngen

Mizoram Consumers' Union (MCU) chuan naupang Aadhaar Update-na atana Rs. 100 lak thin chu ti tawh lo turin thuneitute an ngen. MCU Hqrs. hian nimin khan thuchhuah siamin zirna In hrang hranga Education Department hmalaknaa naupangte Aadhaar Biometric Update neihpui meka pawisa lak thin chu dan kalh a nih thu an tarlang a. Sawrkar laipui hnuaia Unique Identification Authority of India (UIDAI) chuan naupang kum 5 atanga kum 7 inkar te leh kum 15 atanga kum 17 inkar ten a thlawna Aadhaar an siam leh Mandatory Biometric Update (MBU) an neih theih nan October ni 1, 2025 atanga kumin October ni 1 thleng hun a hawng tih an sawi a. Mizo-ram-a zirna In hrang hranga Education Department-in hma a laknaah naupang pakhat zelah Rs. 100 lak thin a ni tih report an dawn thu sawiin, Education Department-a thuneitute chu dan anga thil kalpui tur leh pawisa an lo lak tawh te pawh pekir leh tura an phut thu an sawi a ni.