Hri kai thar 579 awm; Oct. ah hri kai 122 boral

Inrinni khan Mizoram-ah Sample 5945 enfiah leh niin heng atang hian COVID-19 hri kai mi 579 hmuhchhuah an ni a, Sample enfiah te atanga za zel 9.47 te chuan hri an kai a ni.

Inrinni khan ZMC-a RT-PCR Laboratory-ah Sample 1035 enfiah niin heng atang hian hri kai mi 208 lai hmuh an awm a, an vai hian Aizawl District atanga Sample lak te niin Hmunpui khua ah hri kai mi 91 zet hmuhchhuah an awm a, Sailam khua ah hri kai mi 16 hmuh ni bawkin a bak zawng hi Veng leh khua 37 ami te niin heng ah hian hri kai mi 10 aia tam hmuhna an awmlo a ni. Fluorescent Immunoassay Test hmanga Sample enfiah 24 atangin hri kai hmuh an awmlo thung a ni.

Inrinni khan Kolasib leh Hnahthial tihloh District hrang hranga TrueNat Laboratory-ah Sample 232 enfiah awmin hri kai 27 hmuh an ni a, an zinga 13 te chu Lunglei District ami te niin Champhai District-ah 8, Aizawl District-ah 3, Serchhip District-ah 2 leh Mamit District-ah hri kai mi pakhat hmuh an ni.

Rapid Antigen Test hmangin Inrinni khan Sample 4654 enfiah ni bawkin hri kai mi 344 hmuh an ni a, an zinga 150 te chu Aizawl District-a hri kai hmuhchhuah niin Sakawrdai-ah hri kai mi 22 lai hmuh an ni a, Serchhip District-ah hri kai mi 63 hmuh niin Lunglei District-ah 58, Champhai District-ah 25, Mamit District-ah 18, Lawngtlai District-ah 14, Kolasib District-ah 10, Saitual District-ah 3, Khawzawl District-ah 2 leh Hnahthial District-ah hri kai mi pakhat hmuh an ni bawk.

Inrinni khan Mizoram-ah hri kai mi 756 enkawl dam niin nimin khan tlai dar 5:00 thlengin mi 412 te enkawl dam an ni ve leh bawk a, heti hian nimin tlai dar 5:00 thlenga Mizoram-a hri kai hmuhchhuah tawh chu 1,21,359 niin an zinga 1,14,414 te chu enkawl dam an ni tawh a, hei hi hri kai hmuhchhuah atanga chhutin za zela 94.28 a ni a, hri kai enkawllai 6513 an la awm a ni.

Mizoram-a hri kai zingah Zirtawpni khan boral awm belh lovin Inrinni khan mi 4 lai an boral thung a, heti hian Mizoram-a hri kai zingah mi 432 boral awm tawhin October thla kan hmanral tak ah khan hri kai boral mi 122 zet awmin Oct. 29 tihloh ah chuan boral an awm ziah a ni.