Thla ruk chhungin Thisen Unit 11,770 pein Serchhip-ah a thlawna thisen pek 90.26% a ni

Sawrkar kum kal meka kum chanve, April - September, 2021 chhung khan Mizoram-ah damlo te tan thisen Unit 11,770 pek a ni a, heng zinga Unit 10,288 te chu a thlawna pek (Voluntary Donation) niin hei hi thisen pek zawng zawng atanga chhutin zaa 87.41 a ni.

Mizoram State AIDS Control Society (MSACS) chhinchhiahna atanga a lan danin sawrkar kum kal meka kum chanve kan hman zawh tak, April - September, 2021 chhung khan Mizoram-a Blood Bank 11 ten thisen an dawn zawng zawng chu Unit 11,770 niin heng zinga Unit 10,288 chu mi tlawmngai ten a mamawh apiang hman tura an pek, Voluntary Donation niin a bak Unit 1432 te chu mi tute emaw tana pek bik a ni thung. Hemi hun chhung hian Mizoram hmun hrang hrangah Blood Donation Camp tum 188 zet neih niin heng ah hian thisen Unit 5648 lak a ni bawk. Mizoram-a Blood Bank hrang hrang zingah Civil Hospital, Aizawl Blood Bank in thisen dawng tam berin thisen Unit 5782 an dawng a, heng zinga Unit 5097 chu chu Voluntary Donation a ni a, Blood Bank hrang hrangte zingah District Hospital Blood Bank in thisen dawng tlem berin Unit 229 an dawng a, heng zinga Unit 213 te chu a thlawna pek an dawn a ni bawk.

Mizoram Blood Bank hrang hrang ten thisen an dawn atanga chhutin ZMC in a thlawna thisen pek dawng tam berin 99.36 chu a thlawna pek a ni a, Lunglei Civil Hospital (99%) leh Christian Hospital Serkawn (97.96%) ten dawtin a thlawna thisen pek dawng tlem ber chu Synod Hospital Durtlang a ni a, thisen an dawn Unit 1309 atanga zaa 65.7 chu a thlawna pek niin District Hospital Lawngtlai (71.24%) in a dawt a ni.

Kumin a thla 6 chhung hian Serchhip Blood Bank chuan thisen Unit 534 dawngin heng zinga Unit 482 te chu Voluntary Donation a ni a, hei hi thisen pek zawng zawng atanga chhutin za zela 90.26 niin Blood Bank 11 zingah za zela chhutin a thlawna thisen pek dawn tam lamah 6-na a ni phak chauh a, hemi hun chhung hian tum 16 lai Blood Donation Camp an buatsaih bawk a, heng ah hian thisen Unit 395 hmuh a ni.

Comments

Popular News (Last 30 Days)

Serchhip DCSO sawn a ni