Serchhip District-ah hri kai 91.47% an dam tawh

Serchhip District-ah COVID-19 hri kai te zingah za zela 91.47 te chu enkawl dam an ni tawh.

Serchhip CMO Office atanga thu kan dawn danin nimin khan Serchhip District-a COVID-19 hri kai enkawl zingah mi 44 te chu enkawl dam niin anmahni enkawlna hmun atanga chhuah-tir an ni leh a, heti hian Serchhip District-a hri kai hmuhchhuah zingah 4324 te enkawl dam ni tawhin hei hi hri kai hmuhchhuah atangin za zela 91.47 a ni.

Nimin khan hriat theih chinah Serchhip District-ah hri kai mi 50 hmuhchhuah belh leh an ni a, an zinga 25 te chu Serchhip-a hri kai hmuh te niin Chhiahtlang-ah hri kai mi 18 lai hmuh belh an ni a, Thenzawl-ah mi 6 leh Chekawn ah hri kai mi pakhat hmuh an ni bawk. Heng bakah hian niminpiah khan Serchhip District-a TrueNat Laboratory atangin hri kai mi 3 hmuh an ni bawk.

Heti hian nimin tlai thleng khan Serchhip District-a hri kai hmuhchhuah tawh chu 4727 an ni tawh a, an zinga 4324 te chu enkawl dam ni tawhin hri kai enkawllai 389 an la awm mek a, hri kai zingah mi 14 an boral tawh a ni. Serchhip District-ah hian tun dinhmun ah khaw 14-ah hri kai enkawllai hi an awm mek nia thudawn a ni bawk.