Ram lak tur zau zawng a diklo tih sawi

Lai Autonomous District Council (LADC)-a Chief Executive Member V. Zirsanga chuan Kaladan Multi Modal Transit Transport Project (KMMTTP) hnuaia kawngpui sial in ram a tihchhiat, zangnadawmna lak tum te ram zau zawng thehdarh chu belhchiandawllo a nih thu a sawi.

LADC Chief Executive Member V.Zirsanga hian nimin khan CEM Conference Hall-ah Lawngtlai-a thuthar thehdarhtute kawmin he hunah hian zawhna chhangin, KMMTTP in ram a tihchhiat zau zawng Sq.KM 25940.05 ni awm-a Media lama darh chu belhchian dawllo a nih thu sawiin, ram lak tur chu Sq.KM 25.94 a nih thu a sawi a, thu belhchian dawllo vanga LADC Sawrkar leh mipuite uchuak taka diklo taka zangnadawmna beisei anga an lang chu pawi a tih thu a sawi bawk.

LADC DCEM chuan LADC Sawrkar chu Pension leh hnathar lak ah te awmze nei zawkin kal a tum tih sawiin, Zirtirtu semrual hna pawh thawhchhoh mek a ni, a ti a, dan hnuaiah Chhiah thar lak pawh kalpui a ni tawh tih a sawi bawk.