Serchhip District-a zirna in 141-ah NAS neih a ni

Zirna lama India ram dinhmun dik tak tar-lanna ni thei tura ngaih National Achievement Survey (NAS) chu nimin khan ramchhung hmun-dangte rualin Serchhip District-ah pawh neih a ni.

Ministry of Education buatsaih National Achievement Survey (NAS) hi India rampum huap Survey lian ber niin he Survey-ah hian Pawl III, Pawl V, Pawl VIII leh Pawl X-ah te neih niin hemi atan hian School thlanchhuah ah Survey hi neih a ni a, Serchhip District-ah pawh School 141 ah he Survey hi neih niin, exam buaipuitu Field Investigator mi 230 leh Observer mi 169 te'n he Survey hi an kalpui a ni.

NAS hian naupangin zirna a harsatna bikna an neih theihte leh hmasawnna awm thei angte a hmuchhuak thei tura beisei a ni a. Hei mai bakah hian Education huang chhunga Plan siamtu te tan pawh kawng nasa takin a hawng thei tur a beisei a ni.