Rubber chin dan zirhona nei

Agriculture Department hnuaia Agricultural Technology Management Agency (ATMA) bultumin nimin khan Serchhip Zawlpui Phai-a Lalchhuangliana Rubber huan-ah Rubber chin leh hnai dan bakah hnai tawh hnua sawngbawl dan zirhona neih a ni a, he hunah hian ATMA a mithiam ten zirtirna hrang hrang an pe a ni.

Serchhip-ah hian tun dinhmunah Rubber ching mi 70 vel an awm mek nia chhinchhiah a ni a, Rubber hnai mai thei tur chhungkaw 10 vel awmin kumthar-ah hi chuan Rubber hnai tur chi kung 8000 vel awm tura ngaih a ni. Nimin-a Training neihna Lalchhuangliana hi Serchhip District-a Rubber hnai hmasa ber niin tunah hian Rubber hnai tawh sawngbawl sa hi sheet khat Rs. 140/- in hralh mek a ni.