CSC tan training buatsaih

Serchhip District-a Common Service Centre (CSC) , Village Level Entrepreneur te tan Revenue Department hnuaia Directorate of Stamps and Registration a thawktute chuan nimin khan Serchhip-ah ‘Computerization of Registration’ chungchang training an buatsaih.

Serchhip DC Meeting Hall-a Training hi Mizoram District hrang hranga Training neih turah a tum hnihna niin B. Hmangaihkima, Consultant, Land Revenue Department chuan zirtirna pein an thil zir te a taka tihchhinna neih nghal a ni bawk.

Registration Act 1908 hnuaiah In hmun lei leh hralh/inpek leh dahkham chungchangah te, mi ram luah hawh leh Thil (Movebale Asset & Immovoeable Asset) in leisak tawnna a document pawimawh hrang hrang te chu sawrkar hriatpuia tih anih tawh na turinVeng leh khaw tin a Common Service Centre(CSC) te kaltlang a Settlement Officer/Sub Registrar Officer hnenah Online a register vek tawh tur a ni a. Hemi atana hmalakna, ‘Computerization of Registration’ hi Aizawl District-ah hlawhtling taka kalpui mek niin, Mizoram-a District dangte zingah Serchhip District chu ‘Computerization of Registration’ kalpuina tur pahnihna niin, tun thla (November, 2021) chhung ngei hian a taka kalpui hman tura inbuatsaih mek a ni.

Serchhip District chhung Veng leh Khaw hrang hrang atanga CSC kalkhawmte hi nimin vek khan mipuiten anmahni Veng leh khua a CSC te kaltlang a Dan leh hrai chungchang (Tele-Law) leh Hriselna lam (Tele-Medicine) chung-changah te a thlawna Ukil leh Doctor te phone call hmanga an rawn theih dan tur zirtirna neih bakah Income Tax Return (ITR) File dante pawh an zirho nghal bawk a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man