Air Baloon hman tangkai theih dan tur sawidun

Aizawl leh a chhehvel awlsam zawka inkalhpawh theihna tura Air Balloon hman chungchang chu nimin khan Aizawl Mayor Lalrinenga Sailo leh Dr. Prahlada Ramarao (Padma Shri Awardee 2015), Pro-Chancellor & Director, Center for Energy Research te chuan an sawidun.

Aizawl Mayor Office-a he sawidunna ah hian Dr. Prahlada Ramarao chuan North East India chu tlangram, inkalpawhna kawng leh Railway leh Airport siam hautakna hmun a ni tih sawiin, a enkawl zui pawh a harsat avangin inkalpawhna hmangrua dang dap tel a tul thu a sawi a. Helicopter chu a that viau rualin a hman man a to a, a bengchheng bawk a, chuvangin man tlawm leh him zawk, khualzinte (tourist) hip thei tur ni bawk leh Environment tan pawha pawilo tur Air Balloon hmanga inkalpawhna hi Mizoram tan a tangkai hle tur thu a sawi a. Air Balloon hi Mizoram in a hmang thei a nih chuan Emergency thilah leh thil dangah pawh a tangkai hle dawn a ni, a ti.

Aizawl Mayor pawhin Air Balloon chungchang hi zirchian tha a tih thu sawiin, tha taka hman theih a nih chuan inkalpawhna atana hun rei tak hman thinte pawh a tihziaawm theih a beisei thu a sawi a. Tourism hmasawnna tura sawrkarin hma a lak thu leh Aizawl khawpui hnaiah tourist-te hip thei tur siam belh a tul thu a sawi bawk.

Center for Energy Research hian inkalpawhna him zawk neih theihna turin research a kalpui thin a, tunah hian Tripura sawrkar nen thawhho an tum mek a. Air Balloon kalpui dan tur Concept Paper buaipui mekin an peih veleh Tripura Dy. Chief Minister leh Aizawl Mayor te hnenah a copy an thehlut dawn a ni.

Comments

Popular News (Last 30 Days)

Serchhip DCSO sawn a ni