Hri kai 4600 aiin tam ta

Serchhip District-a COVID-19 hri kai hmuh tawh chu nimin tlai thleng khan mi 4600 aiin an tam tawh.

Hriat theih chinah nimin khan Serchhip District-ah COVID-19 hri kai mi 30 zet hmuh belh leh an ni a, an zinga mi 14 te hi Serchhip a hmuhchhuah niin Chhiahtlang-ah hri kai mi 5 hmuh an nih bakah Thenzawl-ah hri kai mi 11 hmuh belh leh an awm bawk a ni.

Niminpiah khan Serchhip District-a TrueNat Laboratory atangin hri kai mi 6 hmuh niin an vai hian Serchhip khawpui chhung ami te vek an ni a, nimin lama Rapid Antigen Test hmanga hri kai hmuhchhuah kan rawn tarlan tawh te bakah niminpiah khan Chhiahtlang-ah hri kai mi 2 leh Khawlailung-ah hri kai mi pakhat hmuh belh an ni bawk.

Serchhip District-a hri kai te zingah nimin khan mi 18 te chu enkawl dam an ni ve leh thung a, heti hian nimin tlai thlenga Serchhip District-a COVID-19 hri kai hmuhchhuah tawh chu 4622 niin an zinga 4192 te chu enkawl dam an ni tawh a, hri kai enkawllai 416 la awmin hri kai zingah mi 14 an boral tawhh bawk a ni.

Comments

Popular News (Last 30 Days)

Serchhip DCSO sawn a ni