Health Minister hovin ‘World Pneumonia Day’ hmang

Health Minister Dr. R. Lalthangliana chuan nimin khan Aizawl-a ‘World Pneumonia Day’ puala inkhawm hmanpuiin ‘Social Awareness and Action to Neutralize Pneumonia Successfully’ (SAANS) chu a hawng nghal bawk.

Reproductive & Child Health, National Health Mission, Mizoram buatsaiha hemi puala inkhawm Taxation Department Auditorium-a neih ah Health Minister chuan Pneumonia chu India rama naupang thihna thlentu tam ber a ni a, India sawrkar chhinchhiah danah naupang kum 5 hnuailam thihna za zela 14 hi Pneumonia vang a ni a, Mizoram bikah phei chuan India ram aia sang niin zaa 15 lai a ni,a ti a. COVID-19 pandemic atanga kan hriat angin Pneumonia natna hriatchhuah hma leh enkawl vat hian naupang thihna nasa takin a tihniam thei a, mitinte kan fimkhura naupangte dinhmun kan chik uluk a tul hle tih alang a ni, a ti bawk.

Global Coalition Against Child Pneumonia bultumin November ni 12, 2019 atang khan ‘World Pneumonia Day’ hi hman tan a ni a, India sawrkar pawhin kum 2019 khan hemi pual hian SAANS hi a duang chhuak nghal a, nikum November ni 12 khan India ram State thenkhat chuan he ni hi hmang tanin SAANS an kalpui nghal a, Mizoram leh State tam zawkte chuan COVID-19 Pandemic vanga an kalpui theih loh hnuah kumin hian a vawikhatna atan an hmang tan a ni.

Comments

Popular News (Last 30 Days)

Serchhip DCSO sawn a ni