Khuangthing-ah Rul chu vang in mi pakhat boral

Niminpiah khan Champhai District chhung Khuangthing khua a Hmunsiami (64) chu an Lo-ah thi a hmuh niin Rul chuk vanga thi nia rin a ni.

Thudawn danin Hmunsiami hi an Lo-ah amah a fehin tlai lamah a haw tak loh avangin a chhungte chuan Lo-ah hian an zawng a, Thlam ah chawfun ei loh-a a lo la awm avangin an Lo chhung ah hian zawngin vau hnaih ah a ruang hmuh a ni a, a taksa-a hliam dang hmuh tur awm lovin a ke veilam kheimit bulah leh a kut dinglam zung\ang-ah Rul chukna hnu ni ngeia hriat hmuh a ni a, a ruang hi an khua ah lak a nih hnuin nimin khan vuiliam a ni.

He thil thleng avang hian Champhai DFO Lalduhthlana leh a thawhpui te chuan Khuangthing hi pan nghalin ruang te an endik a, ralna sum Rs. 10,000/- an hlan nghal bawk. Khuangthing-ah hian kumin hian Rul chuk vangin mi pakhat a lo boral tawh bawk a ni.