YMA ten Chief Minister hnenah khawtlang mamawh an thlen

Vawiin ni 9 July 2026 khan Sub Hqrs YMA Serchhip hruaitute chuan Pu Lalduhoma , Chief Minister leh Serchhip Bialtu MLA  chu a Office ah hmu in khawtlang mamawh thil chi hrang hrang an sawi pui a, CM hian an thil thlen hrang hrang te chu tha taka lo dawngsawngin hetiang hian a lo chhang :

1. Damdawiin sak mek bawhzuina chungchangah NGOCC ten Guwahati a Powergrid an dawr dan te an report a, chak zawka hmalak anih theih nana an ngenna chu CM chuansum chungchang ah Powergrid lam pawh in an tihfel tawh thu leh Health Department ah sum pawh a awm tawh thu te lo hrilh in a fel tep tawh an beisei thu a lo sawi.

2. Serchhip khawchhung lei  che thin chungchangah, CM chuan Geology and Mining lam be nghal in Chanmari, Darnam veng, Bazarhnuai leh Dinthar veng, Field venga lei che thin te chu zirchiang turin thurawn a pe a ni.

3. Serchhip Auditorium chungchang ah CM chuan Building Dismantling Rules ah harsatna tlem a awm thu lo sawiin, lehkha kal mek hi ni 7.7.2026 zan ah CM chuan apporoved tawh thu leh UD&PA lamin a thiah hna hi PWD an pek thuai a beisei thu a sawi.

4. District Court a Session Judge nghet dah chungchang ah CM chuan file kalmek chu chhhuitirin DP&AR ah a la awm thu hriat a ni a, CM hian DP&AR hotute te phone a be nghal in approved thuai turin a hriattir a ni.

5. Serchhip a Excise & Narcotic Department tana Motor (Bolero Camper) dil na chu tihhlawhtlin anih tur thu CM hian a lo sawi.

6. Serchhip District a Police indaihlohna chungchang an thlen chu, DGP be nghal in tuna Serchhip DEF atanga Police an sawnchhuah tak chu a aiawh lo dah tur in a hriattir bakah Police indaih lohna chungchangah staff awmdan kimchang tak DC te kal tlanga thehlut tur a tih tur thu leh a lo enzui tur thu a sawi.

7. Serchhip khawpui chhung Kikawn - Sailiam kawng siam mek chungchang ah duhkhawp lohna te an thlen chu, Project Monitoring Committee te rawn tirh thuai a tum thu a lo hrilh.

8. Bawlhhlawh paihna hmun bazar a mi leh Bawlhhlawh paihna a hrasatna te an thlen chu UD&PA a  alo thlen tur thu leh, Bawlhhlawh paihna motor 1 pek belh a tum thu a lo sawi.

Heng bakah hian Sub Hqrs YMA hruaitute hian Chhiahtlang Hmuifang road chungchang te, Kawlri- Nagar Van- Eklavya kawng siam tur chungchang te leh thiltul dang te an sawipui bawk a, CM hian Sub Hqrs YMA Serchhip te hnenah hian Ruihhlo do na kawngah street campaign naa an hman tur Combo leh Mike a lo leisak bawk a ni.

Chief Minister dawr tur hian Pu PC.Vanlalluna, President, Pu C.Lalrammuana Vice President, Dr.Laldinpuia, Secretary leh Pu H.Lalbiakhlua, Fin.Secretary te an kal a ni.